ଏହି ଧରିତ୍ରୀ ଉପରେ ପ୍ରତ୍ୟେକ ବ୍ୟକ୍ତିଙ୍କର ଶିଷ୍ଠତା ଏବଂ ସମ୍ମାନର ଅଧିକାର ରହିଥାଏ, ତାଙ୍କର ଯେକୌଣସି ବର୍ଗ କିମ୍ବା ଜାତି ହେଉ ନାଁ କାହିଁକି। କିନ୍ତୁ କିଛି ଲୋକ ଏମିତି ଅଛନ୍ତି, ଯେଉଁମାନେ ନିଜକୁ ବାହାରେ ଦେଖାଇବା ପାଇଁ ହିଁ ରୁଚି ରଖିଥାନ୍ତି। ବର୍ତମାନ ସମୟରେ ଗୋଟିଏ ଘଟଣା କର୍ଣ୍ଣାଟକର ତୁମକୁରୁ ଜିଲ୍ଲାରେ ହୋଇଛି, ଯେତେବେଳେ ଜଣେ କୃଷକ ନିଜ ବନ୍ଧୁଙ୍କ ସହିତ ଗୋଟିଏ କାର ଶୋ ରୁମରୁ ବୋଲେରୋ ପିକଅପ କିଣିବା ପାଇଁ ଯାଇଥିଲେ। ହେଲେ, ତାଙ୍କୁ ସେଲ୍ସ ଏଗ୍ଜୀକ୍ୟୁଟିବ ତଡ଼ି ଦେଇଥିଲେ,ଯିଏ ଭାବିଥିଲେ କି କୃଷକ ଏବଂ ତାଙ୍କର ବନ୍ଧୁ ଓ୍ବିଣ୍ଡୋ ଶପର ଅଟନ୍ତି।
ଶୋରୁମର କର୍ମଚାରୀ କଥିତ ରୂପରେ କେମ୍ପେଗୌଡା ଆରଏଲଙ୍କୁ କହିଥିଲେ କି ତାଙ୍କ ପାଖରେ ତାଙ୍କ ପକେଟରେ ୧୦ଟଙ୍କା ମଧ୍ୟ ନଥିବ,କାର ପାଇଁ ୧୦ ଲକ୍ଷ ଟଙ୍କା ତ ଛାଡ଼ି ହିଁ ଦିଅ।ଏହି ପ୍ରକାରର କମେଣ୍ଟ ପରେ ସେମାନେ ଅପମାନିତ ଅନୁଭବ କରିଥିଲେ। ପୁଣି ସବୁ କୃଷକ ସେଠାରୁ ଚାଲି ଯାଇଥିଲେ କିନ୍ତୁ ସେଲ୍ସ ଏଗ୍ଜୀକ୍ୟୁଟିବଙ୍କୁ ଚ୍ୟାଲେଞ୍ଜ ଦେଇଥିଲେ କି ସେ ଏବଂ ତାଙ୍କ ବନ୍ଧୁ ଗୋଟିଏ ଘଣ୍ଟା ଭିତରେ ଏସୟୁବି କିଣିବା ପାଇଁ ଟଙ୍କା ସହିତ ଫେରିବେ। ସେମାନେ ସେଲ୍ସ ଏଗ୍ଜୀକ୍ୟୁଟିବଙ୍କୁ ଚ୍ୟାଲେଞ୍ଜ ଦେଇଥିଲେ କି ଯଦି ସେମାନେ ଟଙ୍କା ଆଣିବାରେ ସଫଳ ହେବେ ତାହେଲେ ସେହି ଦିନ ହିଁ କାରର ଡେଲିଭରୀ କରି ଦେବେ। ଘଟଣାର ଭିଡିଓ କିଛି ଇଣ୍ଟରନେଟ ୟୁଜର୍ସଙ୍କ ଦ୍ବାରା ଶୋ ରୁମରେ ବିକ୍ରି ଟିମ ଉପରେ ‘କ୍ଲାସିଷ୍ଟ’ ହେବାର ଆରୋପ ଲାଗିବା ସହିତ ଭାଇରାଲ ହୋଇ ଯାଇଛି।
୩୦ ମିନିଟରେ ଟଙ୍କା ଧରି ପହଞ୍ଚିଲେ ସମସ୍ତ କୃଷକ
କେମ୍ପେଗୌଡା କହିଛନ୍ତି, ‘ମୋ ପୋଷାକ ଏବଂ ମୋର ଅବସ୍ଥାକୁ ଦେଖି ସେମାନଙ୍କୁ ଲାଗିଥିଲା କି ମୁଁ ଟଙ୍କା ଦେବା ସ୍ଥିତିରେ ନାହିଁ। ତାଙ୍କର ଜଣେ ଫିଲ୍ଡ ଅଫିସର ମୋତେ କହିଥିଲେ, ‘ଆପଣଙ୍କ ପାଖରେ ବୋଧହୁଏ ୧୦ଟଙ୍କା ମଧ୍ୟ ନାହିଁ,କଣ ଆପଣ ଏହି ଗାଡି କିଣିବେ?’ସେ ଏହା ମଧ୍ୟ କହିଥିଲେ କି ଯେଉଁ ଲୋକମାନେ ଗାଡ଼ି କିଣିବା ପାଇଁ ଆସିଥାନ୍ତି ସେମାନେ ଏହି ଭଳି ଭାବରେ ଆସି ନଥାନ୍ତି।’ସେ ଆଗକୁ କହିଛନ୍ତି, ‘ଆମକୁ ଅପମାନିତ କରାଯାଇଛି, ମୋର ଜଣେ ଦାଦା ସେଲ୍ସ ମ୍ୟାନଙ୍କୁ ଚ୍ୟାଲେଞ୍ଜ ଦେଇଛନ୍ତି କି ସେ ୧୦ଲକ୍ଷ ଟଙ୍କା ଦେବାପାଇଁ ପ୍ରସ୍ତୁତ ଅଟନ୍ତି ଏବଂ କଣ ସେ ତୁରନ୍ତ ଗାଡ଼ି ଡେଲିଭରୀ କରିବେ,ଯାହା ଉପରେ ସେ ଜବାବ ଦେଇଥିଲେ କି ଯଦି ସେମାନଙ୍କୁ ଅଧ ଘଣ୍ଟା ମଧ୍ୟରେ ସମସ୍ତ ଟଙ୍କା ମିଳିଯିବ ତାହେଲେ, ସେମାନେ ଗାଡ଼ି ସଙ୍ଗେସଙ୍ଗେ ଡେଲିଭରୀ କରିଦେବେ।’
ରାଗରେ କୃଷକ ସ୍ଥାନୀୟ ପୋଲିସଙ୍କ ପାଖରେ ଜମା କରିଲେ ଅଭିଯୋଗ
ଦ ଟାଇମ୍ସ ଅଫ ଇଣ୍ଡିଆ ଅନୁସାରେ,ସେଲ୍ସ ଏଗ୍ଜୀକ୍ୟୁଟିବଙ୍କୁ ଲାଗିଥିଲା କି ସେହି କୃଷକ ଜଣଙ୍କ କେବେବି ଏମିତି କରି ପାରିବେ ନାହିଁ କାରଣ ସେହି ଦିନ ବ୍ୟାଙ୍କରୁ ଟଙ୍କା ବାହାର କରିବା ପାଇଁ ବହୁତ ଡେରି ହେଉଥିଲା। ତିରିଶି ମିନିଟ ପରେ କୃଷକ ୧୦ଲକ୍ଷ ଟଙ୍କା ଧରି ଫେରିଥିଲେ ଏବଂ SUV ପାଇଁ ଦାବି କରିଥିଲେ। କିନ୍ତୁ,ସେଲ୍ସ ଏଗ୍ଜୀକ୍ୟୁଟିବ ଡେଲିଭରୀ କରି ପାରିନଥିଲେ ଏବଂ ଦୁଇଦିନ ପାଇଁ ସମୟ ମାଗିଥିଲେ। ରାଗରେ କୃଷକ ସ୍ଥାନୀୟ ପୋଲିସଙ୍କ ପାଖରେ ଅଭିଯୋଗ ଜମା କରିଥିଲେ।ତିଳକ ପାର୍କ ଥାନା ପୋଲିସ କର୍ମଚାରୀଙ୍କୁ କୃଷକ ଏବଂ ତାଙ୍କର ବନ୍ଧୁଙ୍କୁ ଘରକୁ ଫେରି ଯିବାକୁ ପାଇଁ ମନେଇବା ପାଇଁ ପଡିଥିଲା।
କେମ୍ପେଗୌଡା କହିଛନ୍ତି କି ସେ ବର୍ତ୍ତମାନ କାର କିଣିବା ପାଇଁ ଚାହୁଁଛନ୍ତି ନାହାଁନ୍ତି ଏବଂ ଶୋ ରୁମରେ ତାଙ୍କୁ ଏବଂ ତାଙ୍କର ବନ୍ଧୁଙ୍କୁ ଅପମାନିତ କରିବା ପାଇଁ ଲିଖିତ କ୍ଷମା ପାଇଁ ଦାବି କରିଥିଲେ।କେମ୍ପେଗୌଡା କହିଛନ୍ତି, ‘ମୁଁ ସେଲ୍ସ ଏଗ୍ଜୀକ୍ୟୁଟିବ ଏବଂ ଶୋ ରୁମ ଅଧିକାରୀ ମାନଙ୍କୁ ମୋତେ ଏବଂ ମୋର ବନ୍ଧୁଙ୍କୁ ଅପମାନିତ କରିବା ପାଇଁ ଲିଖିତ ରୂପରେ କ୍ଷମା ମାଗିବା ପାଇଁ କହିଛି। ବର୍ତମାନ, ମୁଁ ଯାନ କିଣିବା ରୁଚିକୁ ହରେଇ ଦେଇଛି।’
