ଆପଣ ପ୍ରେମ,ଧୋକା ଏବଂ ବନ୍ଧୁତ୍ୱର ପରିପୂର୍ଣ୍ଣ ଯନ୍ତ୍ରଣାଦାୟକ ଖବର ପୂର୍ବରୁ କ୍ୱଚିତ୍ ଶୁଣିଥିବେ କିନ୍ତୁ ଏହି ଖବରଟି ଆପଣଙ୍କୁ ଥରାଇ ଦେବ । କିପରି ଥିଲା ସେହି ଦୁଇ ଜଣ ଯୁବକଙ୍କର ବନ୍ଧୁତା, ଯେଉଁଥିରେ ଦୁହେଁ କିଛି ସମୟ ପାଇଁ ମଧ୍ୟ ପରସ୍ପରଠୁ ଅଲଗା ହେବା କଥା ଭାବି ନଥିଲେ ଏବଂ ଯେତେବେଳେ ଅଲଗା ହେବାକୁ ପଡ଼ିଲା ସେତେବେଳେ ଦୁହେଁ ବନ୍ଧୁତା ପାଇଁ ଏକାଠି ଜୀବନ ଦେଇଥିଲେ ।
ଝଡଖଣ୍ଡର ପାଲାମୁରେ ଦୁଇଜଣ ଯୁବକ ଯିଏକି ‘ଶୋଲେ’ ଫିଲ୍ମର ଜୟ-ବିରୁଙ୍କ ପରି ବନ୍ଧୁ ଥିଲେ ଓ ସାଥିହୋଇ ଆତ୍ମହତ୍ୟା କରିଥିଲେ । ସେମାନଙ୍କ ମଧ୍ୟରୁ ଜଣେ ଯୁବକଙ୍କୁ ପ୍ରେମରେ ଧୋକା ମିଳିଥିଲା ମିଳିଥିଲା । ଯେଉଁଥିପାଇଁ ସେ ବହୁତ ଟେନସନ୍ ରେ ରହୁଥିଲେ ଓ ଶେଷରେ ମରିବାକୁ ଯାଉଥିଲେ । ଶେଷ ମୁହୂର୍ତ୍ତରେ ସେ ନିଜ ସାଙ୍ଗକୁ ପୁରା କାହାଣୀ କହିଥିଲେ । ଅନ୍ୟ ଯୁବକ ଜଣକ ସାଙ୍ଗ ସହିତ ନିଜେ ମଧ୍ୟ ମରିବାକୁ ସ୍ଥିର କଲା । ଏହା ପରେ ଉଭୟ ଯୁବକଙ୍କ ମୃତଦେହ ଏକ ଗଛରେ ଝୁଲୁଥିବା ଦେଖିବାକୁ ମିଳିଥିଲା ।
ପୋଲିସର କହିବା ଅନୁଯାୟୀ ପ୍ରେମରେ ମିଳିଥିବା ଧୋକା ଯୋଗୁଁ ଏହି ଘଟଣା ଘଟିଥିଲା । ସୁଦ୍ଦୁ ଭୁୟାନ ନାମକ ଜଣେ ଯୁବକ ଏକ ଝିଅ ସହିତ ପ୍ରେମ ସମ୍ପର୍କ ରଖିଥିଲେ । କୌଣସି ବିଷୟରେ ଉଭୟଙ୍କ ମଧ୍ୟରେ ଝଗଡା ହୋଇଥିଲା ଓ ଝିଅଟି ପୁଅ ସହିତ ବ୍ରେକଅପ୍ କରିଥିଲା । ଏହି ଘଟଣା ଦ୍ୱାରା ସୁଦ୍ଦୁ ବହୁତ ଟେନସନ୍ ହୋଇଥିଲେ ଓ ସେ ତାଙ୍କ ଭିନ୍ନକ୍ଷମ ବନ୍ଧୁ ରାମଜନମଙ୍କୁ ମଧ୍ୟ ଏ ବିଷୟରେ ସୂଚନା ଦେଇଥିଲେ ।
ସୁଦ୍ଦୁ ତାଙ୍କ ବନ୍ଧୁ ରାମଜନାମଙ୍କୁ କହିଥିଲେ ଯେ ସେ ଆଉ ବଞ୍ଚିବାକୁ ଚାହୁଁନାହାଁନ୍ତି । ସେ ଫାଶୀ ଲଗାଇ ଆତ୍ମହତ୍ୟା କରିବାକୁ ଯାଉଛନ୍ତି । ବନ୍ଧୁଙ୍କ ଏହି ନିଷ୍ପତ୍ତି ଶୁଣିବା ପରେ ରାମଜାନମ୍ ମଧ୍ୟ ଅତ୍ୟନ୍ତ ଭାବପ୍ରବଣ ହୋଇଗଲେ ଏବଂ ସେ ମଧ୍ୟ ତାଙ୍କ ସହ ଆତ୍ମହତ୍ୟା କରିବାକୁ ସ୍ଥିର କଲେ । ସନ୍ଧ୍ୟା ପ୍ରାୟ ଚାରିଟା ବେଳେ ରାମଜନମ ଖାଦ୍ୟ ଖାଇବା ପରେ ଏକ ଶାଢ଼ୀ ନେଇ ଘରୁ ବାହାରି ଯାଇଥିଲେ, ଦୁହେଁ ଏକ ସୁନସାନ୍ ସ୍ଥାନରେ ପହଞ୍ଚି ଏକତ୍ର ଗଛରେ ଝୁଲି ଆତ୍ମହତ୍ୟା କରିଥିଲେ ।
ସ୍ଥାନୀୟ ଲୋକମାନେ କହିଛନ୍ତି ଯେ ଦୁଇ ଯୁବକଙ୍କର ଅତି ଘନିଷ୍ଠ ବନ୍ଧୁତା ଥିଲା । ରାମଜନମ୍ ଏକ ତିନିଚକିଆ ସାଇକେଲରେ ଯିବା ଆସିବ କରୁଥିଲେ ଓ ତାଙ୍କ ସାଙ୍ଗ ପ୍ରାୟ ସମୟେ ତାଙ୍କ ସାଇକେଲକୁ ଠେଲି ନେଇଥାନ୍ତି । ଦୁହେଁ ମିଶିକି ଶୋଲେ ଫିଲ୍ମ ର ଗୀତ ‘ୟେ ଦୋଷତି ହମ୍ ନାହି ତୋଡେଙ୍ଗେ’ କୁ ବୋଲିଥାନ୍ତି । ଦୁହେଁ ଗାଁର ଲୋକଙ୍କ ସାମ୍ନାରେ ଅନେକ ଥର କହିଛନ୍ତି ଯେ ଆମେ ଏକାଠି ବଞ୍ଚିବୁ ଏବଂ ଏକାଠି ମଧ୍ୟ ମରିବୁ । ପରିଶେଷରେ ଏହା କଥା ସତ ହୋଇଗଲା । ଏହି ଘଟଣା ପରେ ଏହି ଅଞ୍ଚଳରେ ଶୋକର ଲହରୀ ଖେଳିଯାଇଛି ।
ମଙ୍ଗଳବାର ଦିନ ଏହି ଘଟଣାର ସୂଚନା ପାଇବା ପରେ ପୋଲିସ ଟିମ୍ ପାଲାମୁର ନୌଡିହା ବଜାର ଥାନା ଅନ୍ତର୍ଗତ ଚରାଇ-୨ ରେ ପହଞ୍ଚିଥିଲେ ଓ ଉଭୟ ମୃତଦେହକୁ ପୋଷ୍ଟମର୍ଟମ ପାଇଁ ପଠାଯାଇଥିଲା । ଥାନା ଏସଓଏଚ ରଣଜିତ କୁମାର କହିଛନ୍ତି ଯେ ଏହି ସୁଦ୍ଦୁ ପୂର୍ବରୁ ମଧ୍ୟ ଦୁଇଥର ଆତ୍ମହତ୍ୟା ଉଦ୍ୟମ କରିଥିଲେ ମଧ୍ୟ ସେ ବିଫଳ ହୋଇଥିଲା । ଛତ୍ରପୁର ଇନ୍ସପେକ୍ଟର ବୀର ସିଂ ମୁଣ୍ଡା କହିଛନ୍ତି ଯେ ପୋଲିସ ଏହି ଘଟଣାର ତଦନ୍ତ କରୁଛି ।
