ସୋସିଆଲ ମିଡ଼ିଆ ଏଭଳି ଏକ ମାଧ୍ୟମ, ଯେଉଁଥିରେ ଆମେ ଅନେକ ପ୍ରକାରର ଭିଡ଼ିଓ ଦେଖିବାକୁ ପାଇଥାଉ । ପ୍ରତିଦିନ ଶହ ଶହ ଭିଡ଼ିଓ ଏଥିରେ ଭାଇରାଲ ହୋଇଥାଏ ଆଉ ଆମେ ସେଗୁଡ଼ିକର ଆନନ୍ଦ ଉଠାଇଥାଉ । ତେବେ ଆପଣ ମାନେ ନିଶ୍ଚିତ ଅନେକ ଯାଦୁଗରଙ୍କୁ ଦେଖିଥିବେ, ଯେଉଁମାନେ ନିଜ ଯାଦୁ ବଳରେ ସମସ୍ତଙ୍କୁ ଆକର୍ଷିତ କରି ନିଅନ୍ତି । ଆଉ କେତେକ ଲୋକ ମଧ୍ୟ ଯାଦୁ କରି ସମସ୍ତଙ୍କୁ ଆଶ୍ଚର୍ଯ୍ୟ କରି ପକାନ୍ତି ।
ତେବେ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହୋଇଥିବା ଏହି ଭିଡ଼ିଓରେ ଆପଣ ଗୋଟିଏ ପିଲାକୁ ଯାଦୁ କରୁଥିବାର ଦେଖିପାରିବେ । ଗୋଟିଏ ଛୋଟ ପିଲା ନିଜ ଶ୍ରେଣୀ ଗୃହ ମଧ୍ୟରେ ଯାଦୁ କରୁଛି । ଆଉ ସେଠାରେ ସମସ୍ତ ପିଲା ଏକାଠି ହୋଇ ଛିଡା ହୋଇଛନ୍ତି । ସମସ୍ତେ ପିଲାର ଯାଦୁ ଦେଖିବା ପାଇଁ ଅତ୍ୟନ୍ତ ଉତ୍ସାହିତ ଅଛନ୍ତି । ଆଉ ପିଲାମାନେ ଭାବୁଛନ୍ତି ଆଜି ତାଙ୍କୁ ଗୋଟିଏ ମଜାଦାୟକ ଯାଦୁ ଦେଖିବାକୁ ମିଳିବ ।
ଏହାପରେ ଆପଣ ଏହି ଭାଇରାଲ ଭିଡ଼ିଓରେ ଦେଖିପାରିବେ କି ,ପିଲାଟି ନିଜ ହାତରେ ଦୁଇଟି ଛୋଟ ଛୋଟ ପଥର ଧରିଛି । ସେ ଦୁଇଟି ହାତରେ ଗୋଟିଏ ଗୋଟିଏ ଛୋଟ ପଥର ଧରିଛି । ଆଉ ସେଗୁଡିକୁ ସେ ସମସ୍ତ ପିଲାଙ୍କୁ ଦେଖାଉଛି । ତେବେ ଏହାପରେ ସେ ଟେବୁଲ ଉପରେ ନିଜର ଦୁଇ ହାତ ଓଲଟାଇ ଦେଉଛି । ଆଉ ସାଙ୍ଗେ ସାଙ୍ଗେ ନିଜ ହାତ ଉଠାଇ ଦେଖାଉଛି ଯେ , ଦୁଇଟି ଯାକ ପଥର ଗୋଟିଏ ହାତକୁ ଆସିଯାଇଛି ।
View this post on Instagram
ତେବେ ଏଭଳି ଯାଦୁ ଦେଖି ସେଠାରେ ଉପସ୍ଥିତ ଥିବା ପିଲାମାନେ ଆଶ୍ଚର୍ଯ୍ୟ ହୋଇ ଯାଇ ତାକୁ ଆଉଥରେ କରିବାପାଇଁ କହୁଛନ୍ତି । ଆଉ ତାପରେ ମଧ୍ୟ ସେ ଠିକ୍ ସେହିଭଳି ଯାଦୁ କରି ପକାଉଛି । ତେବେ ଏହାପରେ ସମସ୍ତେ ତାକୁ ବହୁତ ପ୍ରଶଂସା କରିବାରେ ଲାଗିଛନ୍ତି । ବର୍ତ୍ତମାନ ସମୟରେ ଏହି ଭିଡ଼ିଓ ବହୁ ମାତ୍ରାରେ ଭାଇରାଲ ହେବାରେ ଲାଗିଛି । ୨୭ ଲକ୍ଷରୁ ଅଧିକ ଲୋକ ବର୍ତ୍ତମାନ ସୁଦ୍ଧା ଏହି ଭିଡ଼ିଓକୁ ଦେଖି ସାରିଲେଣି । ଆଉ ସମସ୍ତେ ଭିନ୍ନ ଭିନ୍ନ କମେଣ୍ଟ ଦେବାରେ ମଧ୍ୟ ଲାଗିଛନ୍ତି ।
