ସୋସିଆଲ ମିଡିଆରେ ପ୍ରତିଦିନ କିଛି ନା କିଛି ଭିଡ଼ିଓ ଭାଇରାଲ ହୋଇଥାଏ । ସେଗୁଡିକ ମଧ୍ୟରୁ କେତେକ ଅତ୍ୟନ୍ତ ମଜାଳିଆ ହୋଇଥିବା ବେଳେ ଆଉ କେତେକ ଅତ୍ୟନ୍ତ ଭୟାନକ ହୋଇଥାଏ । ତେବେ ମଜାଳିଆ ଭିଡ଼ିଓ ଗୁଡିକୁ ଦେଖି ଆମେ ମଜା ନେଉଥିବା ବେଳେ ଭୟାନକ ଭିଡ଼ିଓ ଦେଖି ଅତ୍ୟନ୍ତ ଭୟଭୀତ ହୋଇ ଯାଇଥାଉ ।
ତେବେ ବର୍ତ୍ତମାନ ସମୟରେ ସୋସିଆଲ ମିଡିଆରେ ଭାଇରାଲ ହୋଇଥିବା ଏଭଳି ଏକ ଭିଡ଼ିଓ ସାମ୍ନାକୁ ଆସିଛି , ଯାହାକୁ ଦେଖିଲେ ଆପଣଙ୍କ ଛାତି ଥରି ଉଠିବ । ବାସ୍ତବରେ , ଜଣେ ବ୍ୟକ୍ତି ମୃତ୍ୟୁ ମୁଖରୁ ଫେରି ଆସିବା ଭଳି ଆପଣଙ୍କୁ ଅନୁଭବ ହେବ । କୁହାଯାଏ ଆୟୁଷ ନ ସରିବା ପର୍ଯ୍ୟନ୍ତ ଯମରାଜ ଆଉ କାହାକୁ ନେଇପାରିବେ ନାହିଁ ।
ଦୁନିଆଁର କୌଣସି ବ୍ୟକ୍ତି ନିଜର ସମୟ ନ ଆସିବା ପର୍ଯ୍ୟନ୍ତ ଯିବେ ନାହିଁ । ତେବେ ଏଭଳି ଭିଡ଼ିଓ ଦେଖି ଆପଣ ଅତ୍ୟନ୍ତ ଭୟଭୀତ ହୋଇଯିବେ । ବାସ୍ତବରେ ଭାଇରାଲ ହୋଇଥିବା ଭିଡ଼ିଓରେ ଆପଣ ଦେଖିପାରିବେ ଯେ , ଟ୍ରେନଲାଇନ ଉପରେ ଲୋକମାନେ ଛିଡା ହୋଇଛନ୍ତି । ଆଉ ଆଗରେ ଗୋଟିଏ ଟ୍ରେନ ତୀବ୍ର ବେଗରେ ଗତି କରି ଯାଉଛି । ଏପଟେ ଲୋକମାନେ ବାଇକ ଧରି ଛିଡା ହୋଇଛନ୍ତି ।
ଅନ୍ୟପକ୍ଷରେ ଏପଟେ ଟ୍ରେନର ଫାଟକ ଖୋଲା ଅଛି । ତେଣୁ ଲୋକମାନେ ଭୟଭୀତ ନ ହୋଇ ଆରାମରେ ଛିଡା ହୋଇଛନ୍ତି । କିନ୍ତୁ ଏହି ସମୟ ମଧ୍ୟରେ ଜଣେ ବ୍ୟକ୍ତି ଯାଇ ପୁରାପୁରି ଟ୍ରେନ ଲାଇନ ଉପରେ ବାଇକ ଧରି ଛିଡା ହୋଇ ଯାଇଛନ୍ତି । କିନ୍ତୁ ଦୁର୍ଭାଗ୍ୟବଶତଃ ସେହି ଟ୍ରେନ ଲାଇନ ଉପରେ ଆରପାଖରୁ ଆଉ ଏକ ଟ୍ରେନ ଆସିଯାଉଛି । ଆଉ ସମସ୍ତେ ଦୌଡି ପଳାଉଛନ୍ତି । ବ୍ୟକ୍ତି ଜଣକ ନିଜ ବାଇକକୁ ଛାଡି ଦେଇ ଦୌଡି ଆସୁଛନ୍ତି । ଆଉ ଟ୍ରେନ ଆସି ତାଙ୍କ ବାଇକକୁ ଚୁରମାର କରି ଦେଉଛି ।
