ଋଷ ଏବଂ ୟୁକ୍ରେନ ମଧ୍ୟରେ ଚାଲିଥିବା ଯୁଦ୍ଧକୁ ସୋମବାର ପର୍ଯ୍ୟନ୍ତ 19 ଦିନ ହୋଇଛି । ଏହି ଯୁଦ୍ଧର ଭୟାବହତା ଦିନକୁ ଦିନ ବଢ଼ିବାରେ ଲାଗିଛି ଏବଂ ଉଭୟ ପକ୍ଷର ଗୁରୁତର କ୍ଷତି ଘଟୁଛି । ଋଷ-ୟୁକ୍ରେନ ଯୁଦ୍ଧ ବିଶ୍ୱକୁ ଦୁଇ ଭାଗରେ ବିଭକ୍ତ କରିଛି । ୟୁକ୍ରେନକୁ କିଛି ଦେଶ ଏବଂ ଶକ୍ତିଶାଳୀ ଲୋକ ସମର୍ଥନ କରୁଥିବାବେଳେ କିଛି ଲୋକ ଋଷର ରାଷ୍ଟ୍ରପତି ଭ୍ଲାଡିମିର ପୁଟିନଙ୍କୁ ସମର୍ଥନ କରୁଛନ୍ତି । ଏହି ସମୟରେ, ସ୍ପେସ୍ଏକ୍ସ ସିଇଓ ଏଲନ୍ ମସ୍କ ପୁଟିନଙ୍କୁ ଏକ ଚ୍ୟାଲେଞ୍ଜ ଦେଇଛନ୍ତି ।
ଦୁନିଆର ସବୁଠାରୁ ଧନୀ ବ୍ୟକ୍ତିଙ୍କ ମଧ୍ୟରେ ସାମିଲ୍ ଏଲନ୍ ମସ୍କ ଟେସଲା ଏବଂ ସ୍ପେସ୍ଏକ୍ସର ସିଇଓ ଅଟନ୍ତି । ସେ ଋଷର ରାଷ୍ଟ୍ରପତି ଭ୍ଲାଡିମିର ପୁଟିନଙ୍କୁ ୱାନ୍ ଟୁ ୱାନ ଚ୍ୟାଲେଞ୍ଜ ଦେଇ ଏକ ଟୁଇଟ୍ କରିଛନ୍ତି । ମସ୍କ କହିଛନ୍ତି ଯେ କ’ଣ ପୁଟିନ ସାମ୍ନା ସାମ୍ନି ଲଢେଇ ପାଇଁ ପ୍ରସ୍ତୁତ, ଏହି ସିଙ୍ଗଲ୍ସ ମୁକାବିଲାରେ ୟୁକ୍ରେନ ବାଜିରେ ରହିବ । ଋଷୀୟ ଭାଷାରେ କରିଥିବା ଏହି ଟ୍ୱିଟକୁ ପୁଟିନଙ୍କ ପାଇଁ ସିଧାସଳଖ ଚ୍ୟାଲେଞ୍ଜ ଭାବରେ ବିବେଚନା କରାଯାଇପାରେ ।
ଅନ୍ୟ ଏକ ଟ୍ୱିଟରେ ମସ୍କ ଋଷର ରାଷ୍ଟ୍ରପତିଙ୍କ ଅଫିସିଆଲ୍ ଟ୍ୱିଟର ଆକାଉଣ୍ଟକୁ ଟ୍ୟାଗ୍ କରି ଲେଖିଛନ୍ତି, କ’ଣ ଆପଣ ଏହି ମୁକାବିଲା ପାଇଁ ପ୍ରସ୍ତୁତ? ଏହା କେବଳ ପ୍ରଥମ ଥର ପାଇଁ ନୁହେଁ କି ଏଲନ୍ ମସ୍କ ଖୋଲାଖୋଲି ଭାବରେ ୟୁକ୍ରେନ ସାଥିରେ ଅଛନ୍ତି । ଏହାପୂର୍ବରୁ, ଏକ ଭୟଙ୍କର ଯୁଦ୍ଧ ସମୟରେ ମସ୍କ୍ ତାଙ୍କ କମ୍ପାନୀର ଷ୍ଟାରଲିଙ୍କ ସାଟେଲାଇଟ ସାହାଯ୍ୟରେ ୟୁକ୍ରେନକୁ ଇଣ୍ଟରନେଟ୍ ସଂଯୋଗ ଦେଇ ସାହାଯ୍ୟ କରିଥିଲା ।
I hereby challenge
Владимир Путин
to single combatStakes are Україна
— Elon Musk (@elonmusk) March 14, 2022
ମସ୍କଙ୍କ ଏହି ଚ୍ୟାଲେଞ୍ଜ ଟ୍ୱିଟ ଉପରେ ଉପଭୋକ୍ତା ମାନେ ଅନେକ ପ୍ରତିକ୍ରିୟା ପ୍ରକାଶ କରିଛନ୍ତି । ଅନେକ ଉପଭୋକ୍ତା କହିଛନ୍ତି ଯେ ଏହି ମୁକାବିଲାରେ ଋଷର ରାଷ୍ଟ୍ରପତି ସହଜରେ ଜିତିଯିବେ । ଏହାର ଜବାବରେ ମସ୍କ କହିଛନ୍ତି ଯେ ଯଦି ପୁଟିନ ପଶ୍ଚିମକୁ ସହଜରେ ଅପମାନିତ କରିଛନ୍ତି, ତେବେ ସେ ଏହି ଚ୍ୟାଲେଞ୍ଜକୁ ଗ୍ରହଣ କରିବା ଉଚିତ, କିନ୍ତୁ ସେ ଏପରି କରିବେ ନାହିଁ ।
ଟ୍ୱିଟରରେ ଅନେକ ଉପଭୋକ୍ତା କହିଛନ୍ତି ଯେ ମସ୍କ ଥଟ୍ଟାମଜାରେ ଏପରି କହୁଛନ୍ତି । କିନ୍ତୁ ଏହା ଉପରେ ମସ୍କ ଗମ୍ଭୀର ହୋଇ ଏପରି କହୁଛନ୍ତି ବୋଲି ଜବାବ ଦେଇଛନ୍ତି ।
