ଅଧିକାଂଶ ଲୋକ ବେଦାନ୍ତ ଗ୍ରୁପର ନାମ ଶୁଣିଛନ୍ତି କିନ୍ତୁ ତାହାକୁ ତିଆରି କରିଥିବା ବ୍ୟବସାୟୀ ଅନିଲ ଅଗ୍ରୱାଲଙ୍କ ବ୍ୟକ୍ତିଗତ ଜୀବନ ବିଷୟରେ ବହୁତ୍ କମ୍ ଲୋକ ଜାଣିଛନ୍ତି । ଟ୍ୱିଟରରେ ସେ ତାଙ୍କ ଜୀବନର ପ୍ରାରମ୍ଭିକ ସଂଘର୍ଷ ସହିତ ଜଡିତ ଅନେକ କାହାଣୀ ଟ୍ୱିଟ କରିଛନ୍ତି, ଏହି କାହାଣୀଗୁଡିକ ମଧ୍ୟରୁ କେତେକ ବହୁତ୍ ଆକର୍ଷଣୀୟ ଅଟେ ।
ଅନୀଲ ଅଗ୍ରୱାଲ କିଛି ଦିନ ପୂର୍ବରୁ ଟ୍ୱିଟ କରି ନିଜ ତଥା ତାଙ୍କ ବିବାହ ସମ୍ବନ୍ଧୀୟ କାହାଣୀ କହିଥିଲେ । ସେ ଲେଖିଛନ୍ତି, ‘ଯେତେବେଳେ ମୁଁ ପ୍ରଥମ ଥର ପାଇଁ ବମ୍ବେକୁ ଆସିଥିଲି, ସେତେବେଳେ ମୁଁ ଇଂରାଜୀର yes ଏବଂ no କେବଳ ଦୁଇଟି ଶବ୍ଦ ଜାଣିଥିଲି । ମୁଁ ମୋର ସ୍ୱପ୍ନକୁ ସାକାର କରିବାରେ ଲାଗିପଡିଲି, ଭାବିଲି ଏହି ସଫର୍ ବହୁତ ଲମ୍ବା ରହିବ, କିନ୍ତୁ ଏହାକୁ ହାସିଲ କରିବାକୁ ପଡିବ । କଠିନ ପରିଶ୍ରମ ଓ ଅନେକ ଅସୁବିଧା ସତ୍ତ୍ୱେ ମୁଁ ଆଗକୁ ବଢ଼ି ଚାଲିଲି ।
When I first arrived in Bombay, I knew only two words in English, ‘yes’ and ‘no’. I held on to my dreams of making it big. Socha ki safar bohot lamba hai, par isse taye karna hai. Bohot mehnat ki, mushquilein sahin, phir bhi ubharta chala gaya…(1/4) pic.twitter.com/IwQaST5ssK
— Anil Agarwal (@AnilAgarwal_Ved) March 14, 2022
ଅନିଲ ଅଗ୍ରୱାଲ ଲେଖିଛନ୍ତି, ‘ପ୍ରଥମ ତିନିବର୍ଷ ମଧ୍ୟରେ ମୁଁ ବମ୍ବେରେ 400 ବର୍ଗଫୁଟରୁ କମ୍ ଏକ ଫ୍ଲାଟ କିଣିଥିଲି । ଯାହା ମୋର ଯାତ୍ରା ଆରମ୍ଭ କରିବା ବାଟରେ ଏହା ଏକ ବଡ଼ ସଫଳତା ଥିଲା । ମୋର ବିବାହ ପାଟନାରେ ହୋଇଥିଲା ଏବଂ ମୋ ପୁଅ ମଧ୍ୟ ପାଟନାରେ ଜନ୍ମ ହୋଇଛି ।
ସେ କହିଛନ୍ତି, ‘ଏହା ପରେ ମୁଁ ମୋ ପତ୍ନୀ ଏବଂ ପୁଅକୁ ମୁମ୍ବାଇକୁ ନେଇ ଆସିଲି, କାରଣ ଘର ଘର ଭଳି ଲାଗିବା ଉଚିତ୍ । ଏହା ମୋ ଜୀବନର ସବୁଠାରୁ ଖୁସିର ମୁହୂର୍ତ୍ତ ଥିଲା ଯେତେବେଳେ ମୋ ପରିବାର ମୁମ୍ବାଇ ଆସିଥିଲେ । ଏହା ଏକ ଛୋଟ ଘର ଥିଲେ ବି ମୋ ପାଇଁ ଏକ ମହଲ ଠାରୁ କିଛି କମ୍ ନଥିଲା ।
ଦିନେ କବାଡି ବାଲା ଭାବେ ପୁରୁଣା ତାର କିଣିବା କାମ କରୁଥିବା ଅନିଲ ଅଗ୍ରୱାଲ ଆଜି ବେଦାନ୍ତ ଗ୍ରୁପର ମାଲିକ ଅଟନ୍ତି । ବେଦାନ୍ତ ଗ୍ରୁପ ଖାନନ,ଆଲୁମିନିୟମ୍ ଏବଂ ପେଟ୍ରୋଲିୟମ ଭଳି ଅନେକ କ୍ଷେତ୍ରରେ କାମ କରୁଛି । ଏହାର ମାର୍କେଟ ଭ୍ୟାଲ୍ୟୁ ହେଉଛି 1.40 ଲକ୍ଷ କୋଟି ଟଙ୍କା ।
