ସମସ୍ତ 18 ଟି ପୁରାଣ ମଧ୍ୟରେ ଗରୁଡ ପୁରାଣର ମହତ୍ତ୍ଵ ଭିନ୍ନ ଅଟେ । ଏଥିରେ ଜନ୍ମ-ମୃତ୍ୟୁ ଠାରୁ ଆରମ୍ଭ କରି ପରବର୍ତ୍ତୀ ଜନ୍ମ ବିଷୟରେ ମଧ୍ୟ କୁହାଯାଇଛି । ଗରୁଡ଼ ପୁରାଣଙ୍କ ଅନୁଯାୟୀ ମୃତ୍ୟୁ ପରେ ଜଣେ ବ୍ୟକ୍ତିକୁ ନିଜ କର୍ମ ଅନୁଯାୟୀ ପରବର୍ତ୍ତୀ ଜନ୍ମ ମିଳିଥାଏ । କିଛି କର୍ମ ଏପରି ଅଛି ଯାହା କରିବା ଦ୍ୱାରା ପରବର୍ତ୍ତୀ ଜନ୍ମ ମହିଳା ହୋଇଥାଏ । ଆସନ୍ତୁ ଜାଣିବା ଗରୁଡ ପୁରାଣ ଏ ବିଷୟରେ କ’ଣ କହୁଛି ।
ଗରୁଡ଼ ପୁରାଣଙ୍କ ଅନୁଯାୟୀ, ଯେତେବେଳେ ଆତ୍ମାକୁ ଏକ ନୂତନ ଜନ୍ମ ମିଳିଥାଏ, ସେ ମହିଳା ହେଉ କିମ୍ବା ପୁରୁଷ, ସେତେବେଳେ ଆତ୍ମାକୁ ସେହି ଅନୁଯାୟୀ କାର୍ଯ୍ୟ କରିବାକୁ ପଡ଼ିଥାଏ । କେବଳ ଶରୀର ମାଧ୍ୟମରେ କର୍ମ କରି ଜଣେ ଆତ୍ମା ଏହାର ଜନ୍ମର ଉଦ୍ଦେଶ୍ୟକୁ ଅର୍ଥପୂର୍ଣ୍ଣ କିମ୍ବା ଅର୍ଥହୀନ କରିପାରେ । ଉତ୍ତମ କାର୍ଯ୍ୟ କରି ଆତ୍ମା ମୁକ୍ତି ପଥରେ ଯାଇପାରେ । ଅନ୍ୟ ପକ୍ଷେ ଖରାପ କାର୍ଯ୍ୟ ଦ୍ଵାରା ଭବିଷ୍ୟତକୁ ଖରାପ କରିଥାଏ ।
ଯଦି ଜଣେ ପୁରୁଷ ନାରୀ ଭଳି ବ୍ୟବହାର କରେ କିମ୍ବା ତାଙ୍କ ପ୍ରକୃତିରେ ନାରୀମାନଙ୍କର ଅଭ୍ୟାସ ଆଣିଥାଏ କିମ୍ବା ନାରୀମାନେ କରୁଥିବା କାର୍ଯ୍ୟ କରିବାକୁ ଇଛା କରେ, ତେବେ ଏପରି ପୁରୁଷମାନଙ୍କର ଆତ୍ମା ପରବର୍ତ୍ତୀ ଜନ୍ମରେ ନାରୀର ଶରୀର ଧାରଣ କରିଥାଏ । ସେହିଭଳି, ଯଦି ଜଣେ ବ୍ୟକ୍ତି ପଶୁ ପରି ବ୍ୟବହାର କରେ ଏବଂ ପଶୁମାନେ ଖାଉଥିବା ଖାଦ୍ୟକୁ ଖାଇଥାଏ ତେବେ ଏହିପରି ଲୋକମାନଙ୍କୁ ପରବର୍ତ୍ତୀ ଜନ୍ମରେ ଏକ ପଶୁ ଜନ୍ମ ମିଳିଥାଏ ।
ଗରୁଡ ପୁରାଣରେ କୁହାଯାଇଛି ଯେ ମୃତ୍ୟୁ ସମୟରେ ଜଣେ ବ୍ୟକ୍ତି ଯାହା ପାଇଁ ଆସକ୍ତ ହୋଇଥାଏ, ତା’ର ପରବର୍ତ୍ତୀ ଜନ୍ମ ମଧ୍ୟ ତାହା ଉପରେ ନିର୍ଭର କରେ । ଜଣେ ବ୍ୟକ୍ତି ଯଦି ତାର ଶେଷ ମୁହୂର୍ତ୍ତରେ ଜଣେ ମହିଳାଙ୍କୁ ମନେ ପକାଇ ଶରୀର ତ୍ୟାଗ କରିଥାଏ, ତେବେ ତାର ପରବର୍ତ୍ତୀ ଜନ୍ମରେ ସେ ଏକ ନାରୀ ହୋଇଥାଏ । ସେହିପରି ଯଦି କେହି ମରିବା ସମୟରେ ଭଗବାନଙ୍କ ନାମ ନିଅନ୍ତି, ତେବେ ସେ ମୁକ୍ତି ପାଇଥାଆନ୍ତି । ଏହିପରି ଭାବରେ ମୃତ୍ୟୁର ଶେଷ ମୁହୂର୍ତ୍ତ ପର ଜନ୍ମ ର ନିର୍ଦ୍ଧାରଣ କରେ । ଏଥିପାଇଁ କୁହାଯାଏ ଯେ ଶେଷ ମୁହୂର୍ତ୍ତରେ ଭଗବାନ୍ ଙ୍କ ନାମ ନେବା ଉଚିତ ।
