ଭାଇ ଓ ଭଉଣୀଙ୍କ ମଧ୍ୟରେ ଅତୁଟ ସମ୍ପର୍କ ରହିଥାଏ । ଉଭୟ ପରସ୍ପରକୁ ବହୁତ ଭଲ ପାଆନ୍ତି । ଯଦି ଭଉଣୀ ବଡ଼ ହୋଇଥାଏ ସେ ନିଜ ଭାଇର ତାଙ୍କ ମାଆଙ୍କ ପରି ଯତ୍ନ ନିଅନ୍ତି । ତାଙ୍କ ଉପରକୁ କୌଣସି ବିପଦ ଆସିବାକୁ ଦିଅନ୍ତି ନାହିଁ । ଆଜି ଆମେ ଆପଣଙ୍କୁ ଏହିପରି ଏକ ଭଉଣୀଙ୍କ ବିଷୟରେ କହିବାକୁ ଯାଉଛୁ ଯିଏ ତାଙ୍କ ଭାଇଙ୍କୁ ବଞ୍ଚାଇବା ପାଇଁ ନିଜ ଜୀବନକୁ ବାଜି ଲଗାଇ ଦେଇଥିଲେ ।
ଶୁକ୍ରବାର 8 ଏପ୍ରିଲରେ ଘଟିଥିବା ଏହି ମାମଲାଟି ବିହାରର ପୂର୍ବ ଚମ୍ପରନ୍ ଜିଲ୍ଲାର ଅଟେ । ଜିଲ୍ଲାର କେସରିଆ ପୋଲିସ୍ ଷ୍ଟେସନ ଅଞ୍ଚଳର ମାଠିଆ ପଞ୍ଚାୟତର 06 ନମ୍ବର ୱାର୍ଡରେ ଦୁଇ ଭାଇ ଭଉଣୀ ରହୁଥିଲେ । ଭଉଣୀ ସାବିତ୍ରୀ କୁମାରୀଙ୍କୁ 10 ବର୍ଷ ଏବଂ ଭାଇ ଧନଞ୍ଜୟ ପାଠକଙ୍କୁ 7 ବର୍ଷ ହୋଇଥିଲା । ଶୁକ୍ରବାର ଦ୍ୱିପ୍ରହରରେ ଭାଇ ଓ ଭଉଣୀଙ୍କର ନଦୀରେ ଗାଧୋଇବାକୁ ଇଚ୍ଛା ହୋଇଥିଲା । ତେଣୁ ଦୁହେଁ ଗାଁର ସୁମତି ନଦୀରେ ପହଞ୍ଚିଥିଲେ ।
ନଦୀରେ ଗାଧୋଇବାବେଳେ ସାନଭାଇ ଧନଞ୍ଜୟ ଗଭୀର ଜଳ ଆଡ଼କୁ ଚାଲିଗଲା । ସେ ବୁଡ଼ିବାକୁ ଲାଗିଲା । ସେ ସାହାଯ୍ୟ ପାଇଁ ଚିତ୍କାର କରିବାକୁ ଲାଗିଲା । ଭାଇ ବୁଡ଼ିଯାଉଥିବାର ଦେଖି ଭଉଣୀ ସାବିତ୍ରୀ ତାଙ୍କୁ ବଞ୍ଚାଇବାକୁ ଦୌଡ଼ିଗଲେ । କିନ୍ତୁ ସେ ମଧ୍ୟ ଗଭୀର ପାଣିରେ ନିଜକୁ ସମ୍ଭାଳି ପାରିଲା ନାହିଁ । ଯାହା ଫଳରେ ଉଭୟ ଭାଇଭଉଣୀ ପାଣିରେ ବୁଡ଼ିଗଲେ । ଭାଇ ଧନଞ୍ଜୟଙ୍କର ଘଟଣାସ୍ଥଳରେ ମୃତ୍ୟୁ ଘଟିଲା । ଭଉଣୀ ସାବିତ୍ରୀଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରାଗଲା । କିନ୍ତୁ ଡାକ୍ତରମାନେ ମଧ୍ୟ ତାଙ୍କୁ ମୃତ ଘୋଷଣା କଲେ ।
ପିଲାମାନଙ୍କର ପିତାଙ୍କ ନାମ ବିନୟ ପାଠକ ଅଟେ । ସେ ମଜଦୁରୀ କରି ଘର ଚଳାନ୍ତି । ପରିବାରର ଦୁଇ ସନ୍ତାନଙ୍କ ହଠାତ୍ ମୃତ୍ୟୁ ଯୋଗୁଁ ପରିବାର ଲୋକେ ଭାଙ୍ଗି ପଡ଼ିଛନ୍ତି । କେହି ବିଶ୍ୱାସ କରିପାରୁ ନାହାଁନ୍ତି ଯେ କାଲି ପର୍ଯ୍ୟନ୍ତ ପ୍ରାଙ୍ଗଣରେ ଖେଳ କୁଦ କରୁଥିବା ପିଲାମାନେ ବର୍ତ୍ତମାନ ସବୁଦିନ ପାଇଁ ଶାନ୍ତ ହୋଇଗଲେ ।
ପୋଲିସ ଏହି ଘଟଣା ବିଷୟରେ ଜାଣିବା ମାତ୍ରେ କେସରିଆ ଥାନା ଅଧକ୍ଷ ଶୈଳେନ୍ଦ୍ର ସିଂ ତାଙ୍କ ଦଳକୁ ସେଠାକୁ ପଠାଇଥିଲେ । ସ୍ଥାନୀୟ ମୁଖିଆ ଅଭିଷେକ କୁମାର ସିଂ ତଥା ମଣ୍ଟୁ ସିଂ ଏବଂ ଉପ ମୁଖିଆ ଅଶୋକ ସିଂ ଏହି ଘଟଣାର ସୂଚନା ପ୍ରଶାସନକୁ ଦେଇଛନ୍ତି । ସୂଚନା ପାଇବା ମାତ୍ରେ ଅଞ୍ଚଳ ଅଧିକାରୀମାନେ ଘଟଣାସ୍ଥଳକୁ ଆସି ତଦନ୍ତ ଆରମ୍ଭ କଲେ ।
ବର୍ତ୍ତମାନ ପୋଲିସ ଉଭୟ ଶିଶୁଙ୍କ ପୋଷ୍ଟମର୍ଟମ କରି ମୃତଦେହକୁ ପରିବାରକୁ ହସ୍ତାନ୍ତର କରିଛି । ଉଭୟଙ୍କ ଅନ୍ତିମ ସଂସ୍କାରରେ ଅନେକ ଲୋକ ସାମିଲ୍ ହୋଇଥିଲେ । ଏହି ଦୃଶ୍ୟ ଦେଖି ସମସ୍ତେ ଦୁଃଖିତ ହୋଇଥିଲେ । ଏହି ଘଟଣାରୁ ଏହା ଶିକ୍ଷା ଗ୍ରହଣ କରନ୍ତୁ ଯେ ଆପଣଙ୍କ ପିଲାମାନଙ୍କୁ ଏକାକୀ କୌଣସି ବିପଦପୂର୍ଣ୍ଣ ସ୍ଥାନକୁ ପଠାନ୍ତୁ ନାହିଁ ।
