ଆଜିକା ସମୟରେ ସୋସିଆଲ ମିଡ଼ିଆରେ ପ୍ରେମ ଏବଂ ତାପରେ ଧୋକା ଖୁବ ସାଧାରଣ କଥା ହୋଇ ଗଲାଣି । କିନ୍ତୁ ଏପରି ଘଟଣା କେବେ ଘଟି ନଥିଲା ଯେଉଁ ଭଳି ଭାବରେ ଭଦ୍ରକ ବାସୁଦେବପୁର କଶିଆ ଅଞ୍ଚଳରେ ଘଟିଛି । ମେଘନାଦରୁ ମେଘନା କହି ଯୁବକଙ୍କୁ ପ୍ରେମ କରିଛନ୍ତି । ପରେ ବିବାହ ମଧ୍ୟ କରିଛନ୍ତି କିନ୍ତୁ ବିବାହ ପରେ ଜଣା ପଡ଼ିଛି ଯେ ସେ ମହିଳା ନୁହଁନ୍ତି ବରଂ ପୁରୁଷ । ତେବେ ଘଟଣା ବିଷୟରେ ସମ୍ପୂର୍ଣ୍ଣ ଜାଣିବା ପାଇଁ ଆମ ଲେଖାଟିକୁ ଶେଷ ପର୍ଯ୍ୟନ୍ତ ନିଶ୍ଚୟ ପଢ଼ନ୍ତୁ ।
ସୂଚନା ଅନୁଯାୟୀ ଆଲୋକ ମିସ୍ତ୍ରୀ ନାମକ ଜଣେ ବଙ୍ଗୀୟ ଯୁବକ ଫେସବୁକ ଜରିଆରେ ମେଘନା ନାମକ ଜଣେ ଯୁବତୀଙ୍କ ସହ କଥା ହେଉଥିଲେ । ତେବେ କଥା ହେଉ ହେଉ କେତେବେଳେ ଯେ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଗଢ଼ି ଉଠିଥିଲା ଉଭୟେ ଜାଣି ନଥିଲେ । ଫୋନରେ କଥାବାର୍ତ୍ତା ଏବଂ ପରେ ସିଧାସଳଖ ଦେଖା କରି ବିବାହ କରିବା ନିଷ୍ପତ୍ତି ନେଇଥିଲେ । ତେଣୁ ଆଲୋକ କୋଲକାତା ରୁ ଚଣ୍ଡିଖୋଲ ଏବଂ ମେଘନା କେନ୍ଦ୍ରାପଡାରୁ ଚଣ୍ଡିଖୋଲ ଆସି ବିବାହ କରି ଉଭୟେ ଆଲୋକଙ୍କ ମାମୁଁ ଘର ବାସୁଦେବପୁର ବିନୋବଭାବେ ନଗରକୁ ଯାଇଥିଲେ ।
ଆଲୋକଙ୍କ ମାମୁଁ ଘର ଲୋକେ ନୂଆ ବୋହୂକୁ ଘର ଭିତରକୁ ପାଛୋଟି ନେଇଥିଲେ । ସେତେ ପର୍ଯ୍ୟନ୍ତ କେହିବି ଜାଣି ପାରି ନଥିଲେ ଯେ ମେଘନା ହେଉଛି ଜଣେ ପୁରୁଷ । ଏମିତି ଘରେ ବିବାହ ପାଇଁ ଭୋଜିର ଆୟୋଜନ କରାଯାଇ ରାତିରେ ଗାଁ ସାହି ପଡ଼ିଶା ଲୋକଙ୍କୁ ମଧ୍ୟ ଡକା ସରିଥିଲା । ଭୋଜିକୁ ଆସିଥିବା ଜଣେ ମହିଳା ମେଘନାଙ୍କୁ ଦେଖି ସେ ଝିଅ ନୁହେଁ ପୁରୁଷ ଏବଂ ତାଙ୍କର ଅସଲ ନାମ ମେଘନାଦ କହିଥିଲେ । ତାଙ୍କ ଘର କେନ୍ଦ୍ରାପଡ଼ା ରାମନଗରର ବୋଲି ମଧ୍ୟ କହିଥିଲେ । କିନ୍ତୁ ତଥାପି ମେଘନାଦ ନିଜକୁ ପୁରୁଷ ବୋଲି ସ୍ୱୀକାର କରି ନଥିଲା ।
ମାତ୍ର ସକାଳେ କଥା ଆହୁରି ଚର୍ଚ୍ଚାକୁ ଆସିବାରୁ ଉକ୍ତ ମହିଳା ଜଣକ ଗାଁ କୁ କଲ କରି ମେଘନାଦ ଘରେ ଅଛନ୍ତି କି ନାହିଁ ପଚାରି ସବୁ କଥାକୁ ସ୍ପଷ୍ଟ କରିଥିଲେ । ଏହାପରେ ପୁରା କଥାର ପର୍ଦାଫାସ ହୋଇଥିଲା । ସମସ୍ତେ ଜାଣିବାକୁ ପାଇଲେ ଯେ ସେ ମେଘନା ନୁହଁନ୍ତି ବରଂ ମେଘନାଦ । ଘଟଣା ବିଷୟରେ ଜାଣିବା ପରେ ଉତ୍ୟକ୍ତ ପରିବାର ଲୋକେ ଏବଂ ପଡ଼ୋଶୀ ଲୋକେ ତାଙ୍କୁ ବାଡେଇ ଥିଲେ । ଏମିତିକି ତାଙ୍କ ଚୁଟି କାଟି ଦେଇଥିଲେ । ପରେ ଘଟଣାସ୍ଥଳରେ କଶିଆ ପୋଲିସ ଆସି ଘଟଣା ବିଷୟରେ ତଦନ୍ତ କରି ମେଘନାଦଙ୍କୁ ଏପରି କରିବାର କାରଣ ପଚାରିଥିଲା ।
କିନ୍ତୁ ମେଘନାଦ ପ୍ରଥମେ କିଛିବି ଉତ୍ତର ଦେଇନଥିଲେ । ଅଧିକ ପଚାରିବାରୁ ସେ ସବୁ ସତ କଥା ମାନିଥିଲେ ଯେ ସେ ଫେସବୁକରେ ଝିଅ ଗେଟଅପରେ ଫୋଟ ପୋଷ୍ଟ କରୁଥିଲେ ଏମିତିକି ତାଙ୍କ ସ୍ୱର ମଧ୍ୟ ଝିଅ ଭଳି ହୋଇ ଥିବାରୁ କେହିବି ତାଙ୍କ ଉପରେ ସନ୍ଦେହ କରିନଥିଲେ । ସେ ଏପରି କରିବାର କାରଣ ବିଷୟରେ ପଚରା ଯିବାରୁ କହିଛନ୍ତି ଯେ ତାଙ୍କୁ ବଙ୍ଗୀୟ ବୋହୂ ହେବାର ବେଶ ଇଚ୍ଛା ଥିଲା । ମାତ୍ର ସେ ଏହା ଜାଣିନଥିଲେ ଯେ ମିଛ ଦିନେ ନା ଦିନେ ସର୍ବସମ୍ମୁଖକୁ ଆସିବ । ଆଉ ତାହା ହିଁ ଘଟିଥିଲା । ବିବାହ ପରେ ଜଣା ପଡ଼ିଥିଲା ଯେ ମହିଳା ନୁହେଁ ବରଂ ପୁରୁଷ ।
