ଯଦି ଆପଣ ଛୁଟି କଟାଇବା ପାଇଁ ବିଦେଶକୁ ବୁଲିବାକୁ ଯାଇଛନ୍ତି ଏବଂ ଶୌଚାଳୟ ବ୍ୟବହାର କରିବା ସମୟରେ ଏକ ଛୋଟ ଜୀବ ଦେଖିଲେ ତେବେ ଆପଣ କ’ଣ କରିବେ ? ହଁ,ଚିତ୍କାର କରି ସେଠାରୁ ପଳାଇବାକୁ ଭଲ ପାଇବେ । ଏହିପରି ଏକ ଘଟଣା ବିଦେଶରେ ରହୁଥିବା ଜଣେ ବ୍ୟକ୍ତିଙ୍କ ସହ ଘଟିଥିଲା ଯେତେବେଳେ ସେ ଏକ ହୋଟେଲରେ ଶୌଚାଳୟ ବ୍ୟବହାର କରିବାକୁ ଯାଇଥିଲେ । ଯଦିଓ ସେ ପ୍ରଥମେ ଡରିଯାଇଥିଲେ, କିନ୍ତୁ ତା ପରେ ସେ ଶୌଚାଳୟରେ ପୁରା ଭିଡିଓ ତିଆରି କରିଥିଲେ ଯେତେବେଳେ ସେ ଜୀବଟି ବାହାରକୁ ଆସିଥିଲା ।
ଥାଇଲ୍ୟାଣ୍ଡରେ ଛୁଟି ବିତାଉଥିବା ଜଣେ ବ୍ରିଟିଶ ପର୍ଯ୍ୟଟକ ଏବଂ ତାଙ୍କ ଗର୍ଲଫ୍ରେଣ୍ଡଙ୍କର ଏହିପରି ଅନୁଭୂତି ଥିଲା ଯେତେବେଳେ ଏକ ବିଶାଳ ଝିଟିପିଟି ଶୌଚାଳୟ ଭିତରୁ ବାହାରକୁ ଆସୁଥିବାର ଦେଖାଯାଇଥିଲା । ସିଜିଟିଏନ୍ ର ରିପୋର୍ଟ ଅନୁଯାୟୀ ପଥୁମ୍ ଥାନୀରେ ଛୁଟି କଟେଇବାକୁ ଯାଇଥିବା ବ୍ୟକ୍ତି ଜଣକ କହିଛନ୍ତି ଯେ ତାଙ୍କ ଶୌଚାଳୟ ବାହାରେ ସରୀସୃପମାନେ ଏଣେ ତେଣେ ବୁଲୁଥିବାର ଦେଖି ଆଶ୍ଚର୍ଯ୍ୟ ହୋଇଯାଇଥିଲେ । ସେ କହିଛନ୍ତି ଏହା ଭଲ ଯେ ବଡ ଝିଟିପିଟିଟି ନିଜେ ନିଜେ ସେଠାରୁ ବାହାରି ଆସିଥିଲା,ଏହାର ଏକ ଭିଡ଼ିଓ କ୍ୟାମେରାରେ କଏଦ ହୋଇଥିଲା ।
ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଭିଡିଓରେ, ଶୌଚାଳୟ ପ୍ୟାନ୍ ଭିତରୁ ଏକ ବଡ଼ ଝିଟିପିଟି ବାହାରୁଥିବାର ଏବଂ ଏହାର ବଡ ଜିଭ ମଧ୍ୟ ଦେଖିବାକୁ ମିଳିଛି । ଦକ୍ଷିଣ ପୂର୍ବ ଏସିଆର ଉତ୍ପତ୍ତିଲାଭ କରିଥିବା ଏହି ପଶୁଟି ଧୀରେ ଧୀରେ ବାହାରକୁ ଆସିଲା ଏବଂ ପରେ ବାହାରକୁ ଅନେଇଲା । କ୍ୟାମେରାରେ ଯେତେବେଳେ ଏହାକୁ କଏଦ କରାଯାଇଥିଲା, ଏପରି ଲାଗୁଥିଲା ଯେପରି ସେ ବାହାରର ଲୋକଙ୍କୁ ଭଲ ଭାବରେ ଖୋଜୁଛି ।
ବ୍ରିଟିଶ ଖବରକାଗଜ ଅନୁଯାୟୀ ମେଟ୍ରୋର କେଣ୍ଟ ବାସିନ୍ଦା ଜେସନ କିଙ୍ଗମ୍ୟାନ ଙ୍କ ପ୍ରେମିକା ଚନ୍ତିମା ଚେୟରିସୁକ୍ ଯିଏ ପ୍ରଥମେ ଥର ପାଇଁ ଶୌଚାଳୟର ପ୍ୟାନ୍ ଭିତରେ ଏପରି କିଛି ଦେଖିଥିଲେ । ଖବରକାଗଜ ଅନୁସାରେ କିଙ୍ଗମ୍ୟାନ୍ କହିଛନ୍ତି ଯେ, ‘ମୋ ଗର୍ଲଫ୍ରେଣ୍ଡ ମୋତେ କଲ କରି ଡାକିଥିଲେ ଓ କହିଥିଲେ କି ଶୌଚାଳୟରେ ଗୋଟେ ଅଜବ ଜୀବ ଚାଲୁଛି । ମୁଁ ଭାବିଲି ଏହି ଅଜବ ଜୀବ କ’ଣ ହୋଇପାରେ ଏବଂ ମୁଁ କେବେ ଭାବି ନଥିଲି ଏହା ଏକ ବଡ ଝିଟିପିଟି ହୋଇଥିବ ।
