ରୁଷ-ୟୁକ୍ରେନ ଯୁଦ୍ଧ ଯେତିକି ଲମ୍ବା ହେଉଛି, ପୁତିନଙ୍କ ଧର୍ଯ୍ୟ ମଧ୍ୟ ଭାଙ୍ଗିବା ଆରମ୍ଭ କରିଛି। ଗତ ୨୫ ଦିନ ଧରି ଋଷ ଏବଂ ୟୁକ୍ରେନ ମଧ୍ୟରେ ଯୁଦ୍ଧ ଚାଲିଛି। ଋଷର ସେନା ବହୁ କ୍ଷତି ସହିଛନ୍ତି। ଜଣେ ବ୍ୟକ୍ତି ଦାବି କରିଛନ୍ତି ଯେ ପୁତିନ ଏକ ଆଣବିକ ନିରାପତ୍ତା ଡ୍ରିଲ ପାଇଁ ପ୍ରସ୍ତୁତ ହେଉଛନ୍ତି ଯେଉଁଥିପାଇଁ ସେ ତାଙ୍କ ପରିବାରକୁ ଏକ ଗୁପ୍ତଚର ଅଣ୍ଡରଗ୍ରାଉଣ୍ଡ ଜାଗାକୁ ପଠାଇ ଦେଇଛନ୍ତି।
ଖବର ଅନୁଯାୟୀ, କିଛି ଦିନ ପୂର୍ବରୁ ୟୁକ୍ରେନ ଯୁଦ୍ଧରେ ଋଷର ମୃତ୍ୟୁ ସଂଖ୍ୟା କିବ ଅନୁସାରେ ୧୭,୦୦୦ ଠାରୁ ଅଧିକ। ରିପୋର୍ଟ ଅନୁଯାୟୀ, ଏକ ଟେଲିଗ୍ରାମ ଚ୍ୟାନେଲ ସୂତ୍ରରୁ ଜଣାପଡିଛି ପୁତିନ ପ୍ରାୟତଃ ତାଙ୍କ ପାଖ ଲୋକଙ୍କ ଉପରେ କ୍ରୋଧ ପ୍ରକାଶ କରନ୍ତି। ଟେଲିଗ୍ରାମ୍ ଚ୍ୟାନେଲ କ୍ରେମଲିନ୍ ଗୁପ୍ତଚରଙ୍କ ସହ ଜଡିତ ବୋଲି ବିଶ୍ୱାସ କରାଯାଏ ଯିଏ କି ପୁତିନଙ୍କ ବନ୍ଧୁଙ୍କ ସହ ଘନିଷ୍ଠ ସମ୍ପର୍କ ରଖିବାକୁ ଦାବି କରିଥିଲେ।
ପୁତିନ କାହା ସହିତ ଖୋଲାଖୋଲି ଭାବେ କଥାବାର୍ତ୍ତା କରନ୍ତି ନାହିଁ ବୋଲି ସୂତ୍ରରୁ ଜଣା ପଡିଛି। ସେ କେବଳ ନିଜ ଝିଅ ଏବଂ ପରିବାର ସହିତ ସୀମିତ ସମ୍ପର୍କ ରଖନ୍ତି। ସୂତ୍ରରୁ ପ୍ରକାଶ ଯେ ନିକଟରେ ପୁତିନ ପରମାଣୁ ଡ୍ରିଲ ବିଷୟରେ କଥାବାର୍ତ୍ତା କରି ତାଙ୍କ ବରିଷ୍ଠ ଜେନେରାଲଙ୍କୁ ଆଶ୍ଚର୍ଯ୍ୟ କରିଛନ୍ତି। ଏହା ଋଷ ଏବଂ ୟୁକ୍ରେନ ମଧ୍ୟରେ ପରମାଣୁ ବିବାଦର ଆଶଙ୍କା ବଢ଼ାଇ ଦେଇଛି।
ରିପୋର୍ଟରେ କୁହାଯାଇଛି ଯେ ପୁତିନ ତାଙ୍କ ପରିବାରକୁ ପରମାଣୁ ଯୁଦ୍ଧରୁ ରକ୍ଷା କରିବା ପାଇଁ ଗୁପ୍ତ ସ୍ଥାନରେ ଲୁଚାଇ ରଖିଛନ୍ତି ଏବଂ ଏହା ଏକ ବଙ୍କର୍ ନୁହେଁ ବରଂ ଏକ ବିଶାଳ ଭୂତଳ ସହର ବୋଲି ରିପୋର୍ଟରେ ଦର୍ଶାଯାଇଛି।
ଏହି ମାସ ଆରମ୍ଭରେ ଋଷରେ ଆଣବିକ ବାହିନୀକୁ ହାଇ ଆଲର୍ଟ କରାଯାଇଥିଲା। ପୁତିନ ପୂର୍ବରୁ ନାଟୋକୁ ଧମକ ଦେଇଥିଲେ ଯେ ଯଦି ସେମାନେ ୟୁକ୍ରେନ ଯୁଦ୍ଧରେ ହସ୍ତକ୍ଷେପ କରନ୍ତି, ତେବେ ସେମାନେ ଇତିହାସର ସବୁଠାରୁ ଭୟଙ୍କର ଯୁଦ୍ଧର ସମ୍ମୁଖୀନ ହେବେ। ଶନିବାର ଦିନ, ଋଷ ୟୁକ୍ରେନ ବିରୁଦ୍ଧରେ ମହାବିନାଶକ କିଞ୍ଜଲ ହାଇପରସୋନିକ୍ କ୍ଷେପଣାସ୍ତ୍ର ବ୍ୟବହାର କରିଛି ଯାହା ୟୁକ୍ରେନର ଏକ ସାମରିକ ବେସକୁ ଉଡ଼ାଇ ଦେଇଛି।
ଜେନେରାଲ ଏସ.ଭି.ଆର ନାମକ ଏକ ଟେଲିଗ୍ରାମ ଚ୍ୟାନେଲରେ ଏକ ପୋଷ୍ଟରେ କୁହାଯାଇଛି ପୁତିନ ପରମାଣୁ ଯୁଦ୍ଧ ବିଷୟରେ ଚେତାବନୀ ଦେଇଥିଲେ। ଏହି ପୋଷ୍ଟରେ କୁହାଯାଇଛି ଯେ ଋଷର ରାଷ୍ଟ୍ରପତିଙ୍କ ଏହି ଚେତାବନୀ ସମସ୍ତଙ୍କୁ ଆଶ୍ଚର୍ଯ୍ୟpari କରିଛି।
