ଜ୍ୟୋତିଷ ଶାସ୍ତ୍ର ଅନୁଯାୟୀ , ସନାତନ ଧର୍ମରେ ପ୍ରତ୍ୟେକ ଜିନିଷର ନିୟମ ପ୍ରସ୍ତୁତ କରାଯାଇଛି । ଏହି ନିୟମ ଅନୁସାରେ ମଣିଷ ନିଜର ଆୟୁକୁ କମାଇଥାଏ ଏବଂ ବଢ଼ାଇଥାଏ । ତେବେ ସଠିକ ସମୟରେ କରାଯାଇଥିବା ସଠିକ କାମ ଦ୍ୱାରା ସର୍ବଦା ଭଗବାନଙ୍କର କୃପା ମିଳିଥାଏ ଏବଂ ଧନ ସମ୍ପତ୍ତି ମିଳିଥାଏ । କିନ୍ତୁ ଜାଣତରେ ହେଉ କିମ୍ବା ଅଜାଣତରେ ମଣିଷ ଏଭଳି କିଛି କାମ କରିଦିଏ , ଯାହା ଫଳରେ ଦୁଃଖ କଷ୍ଟର ସମ୍ମୁଖୀନ କରିବାକୁ ପଡିଥାଏ । ତେବେ ଜ୍ୟୋତିଷ ଶାସ୍ତ୍ରରେ ଏଭଳି କିଛି କାମ ବିଷୟରେ ବର୍ଣ୍ଣନା କରାଯାଇଛି , ଯାହାକୁ ଦ୍ୱିପ୍ରହର ସମୟରେ କରିବା ଦ୍ୱାରା ଆପଣଙ୍କ ଆୟୁ ଉପରେ ପ୍ରଭାବ ପଡିବା ସହ ଧନ ସମ୍ପତ୍ତି ଉପରେ ମଧ୍ୟ ପ୍ରଭାବ ପଡ଼ିଥାଏ । ଏହି କାମ କରିବା ଦ୍ୱାରା ମାତା ଲକ୍ଷ୍ମୀ କ୍ରୋଧିତ ହେବା ସହ ଆପଣଙ୍କ ଆତ୍ମସମ୍ମାନରେ ମଧ୍ୟ ବାଧା ଆସିଥାଏ ।
ତେବେ ଦ୍ୱିପ୍ରହର ସମୟରେ ସୂର୍ଯ୍ୟ ଦେବ ନିଜ ପ୍ରଭାବରେ ରହିଥାନ୍ତି ଏବଂ ସୂର୍ଯ୍ୟ ଦେବଙ୍କ କୃପାରେ ହିଁ ଆପଣଙ୍କ ଆତ୍ମସମ୍ମାନରେ ପ୍ରଭାବ ପଡ଼ିଥାଏ । ଏବଂ ଜୀବନରେ ଉନ୍ନତି ହେବା ମଧ୍ୟ ବନ୍ଦ ହୋଇଯାଏ । ତେବେ ଆମେ ଆପଣଙ୍କୁ ଏଭଳି କିଛି କାମ ବିଷୟରେ କହିବାକୁ ଯାଉଛୁ , ଯାହାକୁ କରିବା ଫଳରେ ଆପଣଙ୍କୁ ଜୀବନରେ ସମସ୍ୟାର ସମ୍ମୁଖୀନ କରିବାକୁ ପଡିବ । ତେବେ ଚାଲନ୍ତୁ ସେ ବିଷୟରେ ଆଲୋଚନା କରିବା ।
୧. ଦ୍ୱିପ୍ରହର ସମୟରେ ଗାଧୋଇବା ଉଚିତ ନୁହେଁ:-
ଭଗବତ ଗୀତରେ ଉଲ୍ଲେଖ କରାଯାଇଛି କି , ଦ୍ୱିପ୍ରହର ସମୟରେ ଗାଧୋଇବା ଠାରୁ ଭଲ ସକାଳ ସମୟରେ ଗାଧୋଇବା । ଶାସ୍ତ୍ର ଅନୁଯାୟୀ , ସକାଳ ସମୟରେ ଗାଧୋଉଥିବା ବ୍ୟକ୍ତିଙ୍କ ଉପରେ ଭଗବାନଙ୍କ କୃପା ପଡ଼ିଥାଏ ।ଅନ୍ୟପକ୍ଷରେ ଦ୍ୱିପ୍ରହର ସମୟରେ ଗାଧୋଉଥିବା ବ୍ୟକ୍ତିଙ୍କୁ କୌଣସି ଲାଭ ପ୍ରାପ୍ତ ହୁଏନାହିଁ । ଏଥିପାଇଁ ଦ୍ୱିପ୍ରହର ସମୟରେ ଗାଧୋଇବାକୁ ବ୍ୟର୍ଥ ବୋଲି କୁହାଯାଇଛି ।
୨. ଦ୍ୱିପ୍ରହର ସମୟରେ ଶୋଇବା ଉଚିତ ନୁହେଁ:-
ଶାସ୍ତ୍ରରେ ବର୍ଣ୍ଣନା କରାଯାଇଛି କି , ଦ୍ୱିପ୍ରହର ସମୟରେ ଶୋଇବା ଉଚିତ ନୁହେଁ , ଏହାଦ୍ବାରା ମାତା ଲକ୍ଷ୍ମୀ କ୍ରୋଧିତ ହୋଇଯାଆନ୍ତି । ଏଭଳି କରିବାଦ୍ୱାରା କ୍ରମାଗତ ଭାବରେ ଆମର ଆୟୁ କମିଥାଏ । ଏହାଦ୍ବାରା ବାତ ଦୋଷ ମଧ୍ୟ ଦେଖା ଦେଇଥାଏ । କାହିଁକି ନା ଏହି ସମୟରେ ବ୍ରହ୍ମାଣ୍ଡକୁ ଶକ୍ତି ଯୋଗାଉଥିବା ସୂର୍ଯ୍ୟ ଦେବତା ଜାଗ୍ରତ ରହିଥାନ୍ତି , ସେଥିପାଇଁ ଏହି ସମୟରେ ଆମର ଶୋଇବାକୁ ସଠିକ ଭାବରେ ବିବେଚନା କରାଯାଏ ନାହିଁ ।
୩. ଦ୍ୱିପ୍ରହର ସମୟରେ ଶାରୀରିକ ସମ୍ପର୍କ ରଖିବା ଉଚିତ ନୁହେଁ:-
ଶାସ୍ତ୍ରରେ ବର୍ଣ୍ଣନା କରାଯାଇଛି କି , ଦ୍ୱିପ୍ରହର ସମୟରେ ଶାରୀରିକ ସମ୍ପର୍କ ସ୍ଥାପନ କରିବା ଉଚିତ ନୁହେଁ । ଏହାକୁ କଠୋର ଭାବରେ ବାରଣ କରାଯାଇଛି । ସୂର୍ଯ୍ୟଙ୍କୁ ଯଶ , ଜ୍ଞାନ , ପିତା , ମାନ ସମ୍ମାନ ଆଦି ସବୁ ବିବେଚନା କରାଯାଇଛି । ଏହାବ୍ୟତୀତ ତାଙ୍କୁ ନାରାୟଣ ଭାବରେ ମଧ୍ୟ ବିବେଚନା କରାଯାଏ । ତେଣୁ ଏହି ସମୟରେ ଶାରୀରିକ ସମ୍ପର୍କ ସ୍ଥାପନ କରିବା ଦ୍ୱାରା ସୂର୍ଯ୍ୟ ଦେବଙ୍କର ଅପମାନ ହୋଇଥାଏ । ଏବଂ ସୂର୍ଯ୍ୟ ଦେବ କ୍ରୋଧିତ ମଧ୍ୟ ହୁଅନ୍ତି । ଏହାବ୍ୟତୀତ ସୂର୍ଯ୍ୟଙ୍କ ସହ ଜଡିତ ଜିନିଷରେ ଅଭାବ ଆସିଥାଏ । ତେଣୁ ଏସବୁରୁ ଦୂରେଇ ରହିବା ଉଚିତ ।
୪. ଦ୍ୱିପ୍ରହର ସମୟରେ ସୂର୍ଯ୍ୟଙ୍କୁ ଜଳ ଦେବା ଉଚିତ ନୁହେଁ:-
ଶାସ୍ତ୍ରରେ ବର୍ଣ୍ଣନା କରାଯାଇଛି କି , ଦ୍ୱିପ୍ରହର ସମୟରେ ସୂର୍ଯ୍ୟଙ୍କୁ ଜଳ ଦେବା ଉଚିତ ନୁହେଁ । ଏହି ସମୟରେ ସୂର୍ଯ୍ୟ ସମ୍ପୂର୍ଣ୍ଣ ପ୍ରଭାବରେ ରହିଥାନ୍ତି । ଜଳ ଦେବା ଦ୍ୱାରା ସୂର୍ଯ୍ୟ ସେହି ଭଳି ପ୍ରଭାବ ଦିଅନ୍ତି , ଯେଉଁ ଭଳି ଜଳୁଥିବା କାଠ ଉପରେ ପାଣି ଦେଲେ ହୋଇଥାଏ । ଏହି ସମୟରେ ଜଳ ଦେଲେ ଆପଣଙ୍କ ଉପରେ ସୂର୍ଯ୍ୟ ଦେବଙ୍କର କୁପ୍ରଭାବ ପଡ଼ିଥାଏ । ତେଣୁ କୁହାଯାଏ ସର୍ବଦା ସୂର୍ଯୋଦୋୟ ସମୟରେ ସୂର୍ଯ୍ୟଙ୍କୁ ଜଳ ଅର୍ପଣ କରିବା ଉଚିତ । ଏହାଦ୍ବାରା ଆପଣଙ୍କ ଧନ ସମ୍ପତ୍ତିରେ ଲାଭ ଘଟିଥାଏ ।
୫. ଦ୍ୱିପ୍ରହର ସମୟରେ ଘର ପୋଛିବା ଉଚିତ ନୁହେଁ:-
ଦ୍ୱିପ୍ରହର ସମୟରେ ପୋଛିବା ଦ୍ୱାରା ମାତା ଲକ୍ଷ୍ମୀଙ୍କର କୁପ୍ରଭାବ ପଡ଼ିଥାଏ । କୁହାଯାଏ କି ସକାଳ ସମୟରେ ଦିବ୍ୟଶକ୍ତି ସଂଚାର ସବୁଠାରୁ ଅଧିକ ହୋଇଥାଏ । ଏହି ସମୟରେ ଈଶ୍ୱର ଆମ ଘର ଆଡ଼କୁ ପ୍ରସ୍ଥାନ କରିଥାନ୍ତି । ତେଣୁ ସକାଳ ଛାଡି ଦ୍ୱିପ୍ରହରରେ ଆପଣ ଘରେ ପୋଛା ମାରିଲେ ଆପଣଙ୍କୁ କେବେ ସୁଖ ଶାନ୍ତି ମିଳିବ ନାହିଁ । ସର୍ବଦା ଝାଡୁ ପୋଛା ସକାଳ ସମୟରେ କରିବା ଉଚିତ । ଏହାକୁ ସର୍ବୋତ୍ତମ ଭାବରେ ବିବେଚନା କରାଯାଏ । ଏହାଦ୍ବାରା ମାତା ଲକ୍ଷ୍ମୀ ଆମ ଘରେ ଅସ୍ଥାୟୀ ଭାବରେ ବାସ କରିଥାନ୍ତି । ଏବଂ ଘରକୁ ଧନରେ ପରିପୂର୍ଣ୍ଣ କରିଦିଅନ୍ତି । ଦ୍ୱିପ୍ରହର ସମୟରେ ଘର ସଫା କରିବା ଦ୍ୱାରା ଘରେ ନକରାତ୍ମକ ଶକ୍ତି ବଢିବ ।
୬. ଦ୍ୱିପ୍ରହର ସମୟରେ ପୂଜା କରିବା ଉଚିତ ନୁହେଁ:-
ଦ୍ୱିପ୍ରହର ସମୟରେ ଭଗବାନ ହନୁମାନଙ୍କର ପୂଜା କରିବା ଉଚିତ ନୁହେଁ । ଏହାବ୍ୟତୀତ ଏହି ସମୟରେ ଠାକୁର ଘର ଦ୍ୱାର ମଧ୍ୟ ଖୋଲା ରଖିବା ଉଚିତ ନୁହେଁ । କାହିଁକି ନା ଏହା ଭଗବାନଙ୍କର ବିଶ୍ରାମ କରିବାର ସମୟ ହୋଇଥାଏ । କିନ୍ତୁ ଏହି ସମୟରେ ହନୁମାନଙ୍କର ପୂଜା ନ କରିବା ବିଷୟରେ ଶାସ୍ତ୍ରରେ ଉଲ୍ଲେଖ କରାଯାଇଛି । କାହିଁକି ନା ଭଗବାନ ହନୁମାନ ବିଭୀଷଣଙ୍କୁ କହିଥିଲେ କି ଦ୍ୱିପ୍ରହର ସମୟରେ ସେ ଲଙ୍କାରେ ରହିବେ । ଦ୍ୱିପ୍ରହର ୧୨ ରୁ ୪ଟା ପର୍ଯ୍ୟନ୍ତ ସେ ଲଙ୍କାରେ ରହିଥିଲେ , ତେଣୁ ଏହି ସମୟରେ ତାଙ୍କର ପୂଜା କରିବା ଦ୍ୱାରା କୌଣସି ଲାଭ ମିଳେ ନାହିଁ । ଏଥିପାଇଁ ଦ୍ୱିପ୍ରହର ପୂର୍ବରୁ ଏବଂ ପରେ ହନୁମାନଙ୍କୁ ପୂଜା କରିବା ଲାଭକାରୀ ହୋଇଥାଏ । ଏହି ସମୟରେ ଭଗବାନଙ୍କ ପାଖରେ ଭୋଗ ଲଗାଉଥିଲେ ମଧ୍ୟ ଲଗାନ୍ତୁ ନାହିଁ ।
୭. ଦ୍ୱିପ୍ରହର ସମୟରେ ତେନ୍ତୁଳି ଏବଂ ମନ୍ଦାର ଗଛ ତଳକୁ ମଧ୍ୟ ଯିବା ଉଚିତ ନୁହେଁ:-
ଏହି ସମୟରେ ତେନ୍ତୁଳି ଏବଂ ମନ୍ଦାର ଗଛ ତଳକୁ ମଧ୍ୟ ଯିବା ଉଚିତ ନୁହେଁ । ଏଭଳି କରିବା ଦ୍ୱାରା ଆପଣଙ୍କ ମନକୁ ନକରାତ୍ମକ ବିଚାର ଆସିଥାଏ ଏବଂ ଘରର ସକାରାତ୍ମକ ପରିବେଶ ମଧ୍ୟ ନଷ୍ଟ ହୋଇ ଯାଇଥାଏ । ଏହାବ୍ୟତୀତ ଘରେ ତେନ୍ତୁଳି ଏବଂ ମନ୍ଦାର ଗଛ ମଧ୍ୟ ଲଗାନ୍ତୁ ନାହିଁ ।
